Til bakaPrenta
Umhverfis- og framkvæmdaráð - 322

Haldinn í fundarherbergi Norðurhellu 2,
16.01.2019 og hófst hann kl. 08:15
Fundinn sátu: Helga Ingólfsdóttir formaður,
Árni Rúnar Árnason varaformaður,
Skarphéðinn Orri Björnsson aðalmaður,
Friðþjófur Helgi Karlsson aðalmaður,
Helga Björg Arnardóttir aðalmaður,
Þórey Svanfríður Þórisdóttir áheyrnarfulltrúi,
Arnhildur Ásdís Kolbeins áheyrnarfulltrúi,
Fundargerð ritaði: Anna María Elíasdóttir, skrifstofustjóri
Auk ofangreindra ráðsmanna sátu fundinn: Helga Stefánsdóttir forstöðumaður, Sigurður Haraldsson sviðsstjóri og Guðmundur Elíasson umhverfis- og veitustjóri.


Dagskrá: 
Almenn erindi
1. 1811416 - Reykjanesbraut í Hafnarfirði, umsókn um framkvæmdaleyfi vegna tvöföldunar
Fulltrúar Vegagerðarinnar og Eflu mæta til fundarins og kynna framkvæmdina.
Lagt fram til kynningar.
2. 18129642 - Hafnarfjarðarlína HF1, umsókn um framkvæmdaleyfi til að endurnýja háspennustreng HF1 við Reykjanesbraut
Fulltrúar Eflu mæta til fundarins og kynna framkvæmdina.
Lagt fram til kynningar.
3. 1901119 - Færsla lagna við Reykjanesbraut, framkvæmdaleyfi
Fulltrúar VSB mæta til fundarins og kynna framkvæmdina.
Lagt fram til kynningar.
4. 1605488 - Ályktun gegn mansali
Tekin fyrir að nýju fyrirspurn til stjórnsýslu sem lögð var fram á fundi umhverfis- og framkvæmdaráðs 10. október sl.;
„Umhverfis- og framkvæmdaráð óskar eftir upplýsingum um með hvaða hætti stjórnsýslan hefur unnið samkvæmt bókun bæjarstjórnar frá 25. maí 2016 um að veita skuli hættu á mansali sérstaka athygli.“ Svar stjórnsýslu barst 22.10.2018.
Umhverfis- og framkvæmdaráð óskaði á fundi sínum þann 10. október 2018 eftir uppslýsingum um með hvaða hætti stjórnsýslan hefur unnið samkvæmt bókun bæjarstjórnar frá 25. maí 2016 um að veita skuli hættu á mansali sérstaka athygli.“

Bæjarstjórn Hafnarfjarðar samþykkti þann 25. maí 2016 eftirfarandi ályktun:

1. 1605488 - Ályktun gegn mansali
Bæjarstjórn Hafnarfjarðar samþykkir að bæjarfélagið skuli veita hættunni á mansali sérstaka athygli. Farið verður yfir alla ferla hjá bænum með það að markmiði að vernda þá sem eru í viðkvæmri stöðu gagnvart mansali. Allir innkaupaferlar og útboðsskilmálar verða yfirfarnir með tilliti til þess. Þá mun Hafnarfjarðarbær tryggja að starfsfólk og eftirlitsaðilar á vegum bæjarins fái fræðslu um hvernig bera megi kennsl á mansal.

Samkvæmt svari frá sviðstjóra stjórnsýslusviðs hefur eftirfarandi texti verið settur í öll útboð og samninga sem gerðir eru af sveitarfélaginu þar sem það á við:

„Bjóðandi mun tryggja að allir starfsmenn sem koma munu að verkinu, hvort sem er sem starfsmenn bjóðanda eða undirverktaka, fái laun og starfskjör í samræmi við gildandi kjarasamninga hverju sinni og aðstæður þeirra séu í samræmi við löggjöf á sviði vinnuverndar. Hvenær sem er á samningstíma mun bjóðandi geta sýnt verkkaupa fram á að öll réttindi og skyldur gagnvart þessum starfsmönnum séu uppfyllt. Bjóðandi samþykkir að ef hann getur ekki framvísað gögnum eða sýnt eftirlitsmanni verksins fram á að samningsskyldur séu uppfylltar innan 5 daga frá því ósk um slíkt er borin fram af verkkaupa getur verkkaupi rift verksamningi án frekari fyrirvara eða ákveðið að beita dagsektum sem nemur 0,1% af samningsupphæð fyrir hvern dag sem umbeðnar upplýsingar skortir. Beiting þessara vanefndaúrræða hefur ekki áhrif á gildi verktryggingar.“

Umhverfis- og framkvæmdaráð þakkar framkomin svör og leggur áherslu á að áfram verði unnið að því að tryggja réttindi verkafólks og sporna gegn mögulegri misnotkun á vinnuafli.

Sigurður Sverrir Gunnarsson og Stefán Eiríkur Stefánsson verkefnastjórar mættu til fundar við afgreiðslu 5 dagskrárliðar.
5. 18129640 - Ásvallalaug, viðhald
Tekið til umræðu.
Umhverfis- og framkvæmdaráð óskar eftir umsögn fræðslu og frístundaþjónustu varðandi tímasetningu á endurbótum sem standa fyrir dyrum á sundlaugargólfi Ásvallalaugar, sem áætlað er að taki að minnsta kosti fjóra mánuði, þannig að skóla og íþróttastarf raskist sem minnst.
6. 1702008 - Öryggis- og eftirlitsmyndavélar í landi Hafnarfjarðar
Tekið fyrir að nýju.
Umhverfis- og framkvæmdaráð samþykkir uppsetningu löggæslumyndavéla í samráði við fagaðila og forsendur fjárhagsáætlunar.
Ingibjörg Sigurðardóttir garðyrkjustjóri mætti til fundar við afgreiðslu 7 dagskrárliðar.
7. 1806309 - Hamarinn, grisjun trjáa
Undirbúningsvinnu við grisjun grenitrjáa á Hamrinum er lokið. Minnisblað garðyrkjustjóra varðandi næstu skref lagt fram.
Lagt fram minnisblað garðyrkjustjóra. Afgreiðslu frestað milli funda.
Berglind Guðmundsdóttir arkitekt mætti til fundar við afgreiðslu 8 dagskrárliðar.
8. 0811164 - Óbrinnishólar, námuvinnsla
Tekin til umræðu námuvinnsla í Óbrinnishólum.
Umhverfis- og framkvæmdaráð gerir ekki athugasemd við áframhaldandi vinnslu og að unnið sé eftir samþykktri frágangsáætlun.
9. 1811133 - Landfræðileg upplýsingagögn sveitarfélaga
Erindi móttekið 7. nóvember 2019 frá Þjóðskrá Íslands þar sem óskað er eftir landfræðilegum gögnum sveitarfélagsins. 5048 landeignir eru skráðar í fasteignaskrá innan Hafnarfjarðarkaupstaðar þar af eru 1009 landeignir afmarkaðar í landeignaskrá Þjóðskrár Íslands sem er um 20% allra landeigna. Eru það vonir Þjóðskrár að við það að fá gögn frá sveitarfélaginu þá muni þetta hlutfall hækka til muna.
Umhverfis- og framkvæmdarráð felur umhverfis- og skipulagsþjónustu að svara erindinu.
Landeignaskrá, beiðni um samstarf.pdf
Fundargerðir
10. 1801243 - Strætó bs, fundargerðir 2018
Lögð fram fundargerð nr. 297.
11. 1901142 - Sorpa bs, fundargerðir 2019
Lögð fram fundargerð nr. 402.
Fleira ekki gert. Fundi slitið kl. 10:20 

Til bakaPrenta