Til bakaPrenta
Fræðsluráð - 408

Haldinn í Krosseyri, Linnetsstíg 3,
16.01.2019 og hófst hann kl. 14:00
Fundinn sátu: Kristín María Thoroddsen aðalmaður,
Margrét Vala Marteinsdóttir aðalmaður,
Bergur Þorri Benjamínsson aðalmaður,
Sigrún Sverrisdóttir aðalmaður,
Birgir Örn Guðjónsson aðalmaður,
Vaka Ágústsdóttir áheyrnarfulltrúi,
Fundargerð ritaði: Valgerður Sveinbjörnsdóttir, ritari
Auk ofantalinna og undirritaðra sátu fundinn: Fanney D. Halldórsdóttir, sviðsstjóri, Hrund Apríl Guðmundsdóttir, aðstoðarmaður sviðsstjóra, Geir Bjarnason, íþrótta- og tómstundafulltrúi, Vigfús Hallgrímsson, þróunarfulltrúi grunnskóla, Jenný D. Gunnarsdóttir, þróunarfulltrúi leikskóla, María Pálmadóttir, áheyrnarfulltrúi skólastjórnenda grunnskóla, Sólveig Kristjánsdóttir, áheyrnarfulltrúi grunnskólakennara, Inga Líndal Finnbogadóttir, áheyrnarfulltrúi leikskólastjóra, Elín Gíslína Steindórsdóttir, áheyrnarfulltrúi starfsfólks leikskóla, Þorgils Þorgilsson, áheyrnarfulltrúi foreldra grunnskólabarna og Kristín Erla Pétursdóttir áheyrnarfulltrúi foreldra leikskólabarna.


Dagskrá: 
Almenn erindi
1. 1806328 - Verklagsreglur um skólavist hafnfirskra grunnskólabarna
Drög frá síðasta fundi lögð fram til staðfestingar.
Fræðsluráð samþykkir fyrirliggjandi verklagsreglur um skólavist hafnfirskra grunnskólabarna. Jafnframt leggur fræðsluráð til við bæjarstjórn Hafnarfjarðar að hún samþykki framangreindar reglur.
2. 1811063 - Málefni Víðistaðaskóla í Engidal
Lögð fram greinargerð frá Víðistaðaskóla.
Lagt fram.
 
Gestir
Guðmundur Sverrisson - 00:00
3. 1812064 - Hækkun á frístundastyrkjum
Lögð fram að nýju tillaga um hækkun frístundastyrks sem bæjarstjórn samþykkti þann 12. desember sl. að vísa aftur til fræðsluráðs til kostnaðargreiningar og frekari úrvinnslu.
Málinu vísað til fjölskylduráðs til umsagnar.
Hækkun á frístundastyrkjum.pdf
4. 1901135 - Frítt í sund fyrir yngri en 18 ára
Lögð fram eftirfarandi tillaga sem bæjarstjórn samþykkti þann 12. desember sl. að vísa til frekari úrvinnslu í fræðsluráði.

Tillaga 4 - Frítt í sund fyrir yngri en 18 ára.

"Fulltrúar Samfylkingarinnar leggja til að farið verði að dæmi Kópavogsbæjar og börnum að 18 ára aldri verði gefin kostur á að nýta sundlaugar bæjarins sér að kostnaðarlausu.
Samkvæmt nýbirtum niðurstöðum rannsóknarhóps í íþrótta- og heilsufræði við Menntavísindasvið Háskóla Íslands sem hefur í yfir áratug fylgst með heilsu, svefni og andlegri líðan íslenskra ungmenna kemur m.a. fram að töluvert dregur hreyfingu hjá 15-17 ára unglingum. Að bjóða hafnfirskum ungmennum upp á frían aðgang að sundlaugum bæjarins gæti verið góð hvatning fyrir meiri hreyfingu og styður vel við markmið um heilsubæinn Hafnarfjörð."
Fræðsluráð felur sviðstjóra fræðslu- og frístundaþjónustu að gera kostnaðargreiningu.
5. 18129524 - Starfshópur um forvarnir
Kynnt tilnefning fulltrúa Foreldraráðs Hafnarfjarðar í starfshópinn.
Fulltrúar frá Foreldráráði Hafnarfjarðar eru Anna Sigríður Björnsdóttir og Ásdís Hanna Pálsdóttir til vara Þórður Ingi Bjarnason.
6. 1811277 - Menntastefna
Lögð fram drög að erindisbréfi fyrir starfshóp til að undirbúa gerð menntastefnu fyrir árin 2020-2030 sem mun starfa á vorönn 2019.
Lagt fram, óskað er eftir tilnefningu í starfshópinn fyrir næsta fund.
7. 1812051 - Uppbygging leikskóla í Öldutúnsskólahverfi
Lögð fram að nýju eftirfarandi tillaga sem bæjarstjórn samþykkti þann 12. desember sl. að vísa til frekari úrvinnslu í fræðsluráði.

Tillaga 2 - Uppbygging leikskóla í Öldutúnsskólahverfi

Samkvæmt upplýsingum frá fræðslu- og frístundaþjónustu er ljóst að viðvarandi skortur er á leikskólaplássum í skólahverfi Öldutúnsskóla og sá skortur mun haldast til framtíðar ef ekkert verður að gert.

Tillaga um uppbyggingu leikskóla í Öldutúnsskólahverfi var flutt í bæjarstjórn við fyrri umræðu um fjárhagsáætlun en þar sem hún hefur ekki hlotið formlega afgreiðslu er óskað eftir því að bæjarstjórn taki afstöðu til hennar nú. Fjárhagsáætlun er stefnumótandi fyrir þau verkefni sem sveitarfélagið mun ráðast í á komandi árum og mikilvægt að fá fram skýra afstöðu bæjarstjórnar um uppbyggingu á leikskólaplássum í þessu hverfi, þar sem hvað mestur skortur er á plássum ef undan eru skilin nýbyggingahverfi á Völlum og í Skarðshlíð.

Fulltrúar Samfylkingar hafa áður bent á að offramboð á leikskólaplássum í öðrum hverfum þurfi að skoða án þess að það bitni á þjónustu við barnafólk í þessu hverfi.

Því endurflytjum við umrædda tillögu sem er svohljóðandi:

Þar sem fallið hefur verið frá áformum um uppbyggingu leikskóla við Öldugötu og ljóst er að fyrirhuguð tveggja deilda viðbygging við Smáralund muni ekki svara þeim skorti sem er á leikskólaplássum í skólahverfi Öldutúnsskóla, leggja fulltrúar Samfylkingarinnar til að hafist verði handa við frekari uppbyggingu á leikskóla í hverfinu.

Það er fyrirséð að með frekari áætlunum um lækkun á inntökualdri muni þörfin í hverfinu síst fara minnkandi og því mikilvægt að horfa til framtíðar og byggja upp þessa mikilvægu grunnþjónustu innan hverfisins með áherslu á að samnýta grunnstoðir leik- og grunnskóla, og draga þannig úr aðgreiningu milli skólastiga
Samþykkt var á fundi fræðsluráðs þann 29 október 2018 að hefja undirbúning að viðbyggingu við Smáralund. Smáralundur er þriggja deilda leikskóli í dag og hefur stækkunarmöguleika um tvær til þrjár deildir. Í dag eru 53 börn í leikskólanum en getur eftir stækkun tekið á móti yfir 100 börnum. Í fjárhagsáætlun fyrir árið 2019 er gert ráð fyrir fjármagni í undirbúningi að stækkuninni. Með því að byggja við Smáralund er verið að ná fram ákveðinni samnýtingu á innviðum og þannig hagræðingu. Á árinu mun leikskólinn við Skarðshlíðarskóla hefja starfsemi sína og mun sú opnun koma til móts við fjölgun íbúa. Litið er á Hafnarfjörð sem eitt leikskólasvæði þó svo leitast sé til að bjóða börnum pláss í nágrenni við heimili sitt. Í Suðurbæ, sem er nátengt Öldutúni eru reknir tveir leikskólar, Smáralundur og Hvammur sem munu eftir stækkun Smáralundar geta tekið samanlagt við um 220 börnum.

Í Hafnarfirði eru nú 1726 leikskólapláss en eftir að viðbyggingu við Smáralund og byggingu Skarðshlíðarskóla líkur munu verða hátt í 1900 pláss í Hafnarfirði. Um síðustu áramót voru 1701 barn á leikskólaaldri búsett í Hafnarfirði.

Meirihluti fræðsluráðs telur út frá því sem bent er á hér að ofan og þeim tölulegu upplýsingum sem þar koma fram sé verið að bregðast við fyrirliggjandi þörf og þannig sinna þeirri mikilvægu grunnþjónustu sem leikskólar eru. Að þessu sögðu þá er ósk minnihlutans um frekari uppbyggingu leikskóla í umræddu hverfi synjað.


Fulltrúi Samfylkingarinnar lagði fram eftirfarandi bókun;
Fulltrúi Samfylkingar telur mikilvægt að horfa til framtíðar og stíga skref í þá átt að mæta skorti á leikskólaplássum í Suðurbæ hið fyrsta og harmar að tillagan skuli ekki samþykkt í ljósi þess.
8. 1811288 - Stuðningur við ungt fólk, niðurgreiðsla á strætókortum
Lögð fram eftirfarandi tillaga sem bæjarstjórn samþykkti þann 12. desember að vísa til frekari úrvinnslu í fræðsluráði.

Tillaga 1 - Stuðningur við ungt fólk, niðurgreiðsla á strætókortum

Fulltrúar Samfylkingar ítreka og endurflytja tillögu sína um niðurgreiðslu á strætókortum fyrir börn að 18 ára aldri. Til að jafna og auðvelda aðgengi ungmenna að tómstundum leggjum við til að Hafnarfjarðarbær niðurgreiði strætókort fyrir börn að 18 ára aldri sem verði þeim að kostnaðarlausu. Þannig minnkum við líka skutl og styðjum við umhverfissjónarmið.

Tillagan var áður flutt á fyrsta fundi bæjarstjórnar í júní sl. og hefur ekki hlotið afgreiðslu. Vísum við henni inn í frekari vinnu við fjárhagsáætlun.
Tillögunni er vísað til fræðsluráðs.

Fræðsluráð vísar tillögunni til seinni umræðu fjárhagsáætlunar í bæjarstjórn.
Fræðsluráð vísar erindi um niðurgreiðslur á strætókortum til umhverfis og framkvæmdaráðs.
9. 1812055 - Skýjalausnir í skólastarfi
Lögð fram drög að stefnumótun um skýjalausnir í leik- og grunnskóla Hafnarfjarðar varðandi tækni, öryggi og trúnað gagna og notendaupplýsinga. Kynnt á fundinum og til afgreiðslu á næsta fundi.
Lagt fram.
10. 1712117 - Starfshópur um starfsaðstæður í leikskóla
Lagðar fram fundargerðir 3., 4. og 5. fundar faghóps um starfsaðstæður í leikskólum.
3. fundur faghóps um bættar starfsaðstæður.pdf
4. fundur faghóps um bættar starfsaðstæður í leikskóla.pdf
5. fundur faghóps um bættar starfsaðstæður í leikskóla.pdf
11. 1809483 - Stytting vinnuvikunnar starfshópur
Lagðar fram fundargerðir 3. og 4. fundar stýrihóps um styttingu vinnuviku.
4. fundur stýrihóps um styttingu vinnuviku_loka.pdf
3. fundur starfshóps um styttingu vinnuviku_loka.pdf
12. 1503055 - Heilsueflandi samfélag
Kynning á verkefnum Heilsueflandi Hafnarfjarðar.
Geir Bjarnasyni íþrótta- og tómstundafulltrúa, þökkuð kynningin og fagnar því sem Hafnarfjörður er að gera sem heilsueflandi bæjarfélag.
fræðsluráð kynning á helstu verkefnum.pdf
13. 1901160 - Nemendafjöldi í hafnfirskum grunnskólum
Lögð fram beiðni um upplýsingar um fjölda hafnfirskra grunnskólanemenda og dreifingu þeirra á grunnskóla síðustu 5-10 ár.
Fræðsluráð felur sviðsstjóra fræðslu og frístundasviðs að taka saman tölulegar upplýsingar um fjölda nemenda í hafnfirskum grunnskólum, bæði þeim sem sveitarfélagið rekur og NÚ grunnskóla.
Fundargerðir
14. 1812013F - Íþrótta- og tómstundanefnd - 283
Lögð fram fundargerð 283. fundar Íþrótta- og tómstundanefndar.
14.1. 1807194 - Samningur um búnaðarkaup, Siglingaklúbburinn Þytur
Drög að samning um endurnýjun á búnaði við Siglingaklúbbinn Þyt lagt fram. Samningurinn er áætlun til 10 ára um endurnýjun bátaflota.
Frestað
14.2. 1706369 - Hestamannafélagið Sörli, reiðhöll
Íþrótta- og tómstundafulltrúa kynnti vinnu við undirbúning að hugmyndum um byggingu nýs reiðhallar sem fer fram milli Hafnarfjarðarbæjar og Hestamannafélagsins Sörla.
14.3. 1811189 - Íþrótta- og viðurkenningarhátíð 2018
Fjallað um Íþrótta- og viðurkenningarhátíðina sem fór fram milli jóla og nýárs þar sem meðal annars var valin íþróttakona og íþróttakarl Hafnarfjarðar.
14.4. 1901036 - Þjóðhátíðardagur 2019
Íþrótta- og tómstundanefnd felur íþróttafulltrúa, rekstrarstjóra, fagstjóra frístundastarfs og fulltrúa ungmennaráðs, Birtu Guðnýju að sitja starfshóp til að hefja undirbúning að hátíðarhöldunum 17. júní. Þegar starfsemi Vinnuskólans hefst skulu stjórnendur þar taka þátt í vinnu starfshópsins við undirbúning. Skila þarf til nefndarinnar drögum að 17. júní hátíðarhöldunum fyrir lok mars 2019.
14.5. 1901090 - Frumvarp til laga um samskiptaráðgjafa íþrótta- og æskulýðsstarfs
Allsherjar- og menntamálanefnd Alþingis óskar eftir umsögn um frumvarp til laga um samskiptaráðgjafa íþrótta- og æskulýðsstarfs, 417. mál.
https://www.althingi.is/altext/149/s/0558.html.

Um er að ræða frumvarp til laga um samskiptaráðgjafa íþrótta- og æskulýðsstarfs. Tillagan felst í því að mennta- og menningarmálaráðherra ráði til fimm ára samskiptaráðgjafa íþrótta- og æskulýðsstarfs sem nær til skipulagðrar starfsemi á vegum Íþrótta- og Ólympíusambands Íslands, Ungmennafélags Íslands og annarra félags- og æskulýðssamtaka. Samskiptaráðgjafi íþrótta- og æskulýðsstarfs hefur það hlutverk að bæta umgjörð samtaka og félaga, sem falla undir lög þessi, í samráði við þau. Hann skal stuðla að öryggi þeirra sem taka þátt í starfi þeirra samtaka og félaga. Markmiðið er að íþrótta- og æskulýðsstarf fari fram í öruggu umhverfi og að börn, unglingar og fullorðnir, óháð kynferði eða stöðu að öðru leyti, geti stundað íþróttir eða æskulýðsstarf og leitað sér aðstoðar eða réttar síns vegna atvika og misgerða sem þar koma upp án ótta við afleiðingarnar. Helstu verkefni hans yrði: Koma á fram upplýsingum, leiðbeina einstaklingum varðandi atvik og misgerðir og leiðbeina félagasamtökum varðandi viðbrögð og áætlanir.
Nefndin felur íþróttafulltrúa að skrifa jákvæða umsögn um frumvarpið.
14.6. 1509776 - Ungmennaráð, fundargerð
Birta Guðný fór yfir nýjustu fundargerð Ungmennaráðs
Fleira ekki gert. Fundi slitið kl. 16:00 

Til bakaPrenta