Umhverfis- og framkvæmdaráð - 331

Haldinn í fundarherbergi Norðurhellu 2,
22.05.2019 og hófst hann kl. 08:15

Fundinn sátu: Helga Ingólfsdóttir formaður,
Árni Rúnar Árnason varaformaður,
Skarphéðinn Orri Björnsson aðalmaður,
Friðþjófur Helgi Karlsson aðalmaður,
Þórey Svanfríður Þórisdóttir áheyrnarfulltrúi,
Arnhildur Ásdís Kolbeins áheyrnarfulltrúi,
Hulda Sólveig Jóhannsdóttir varamaður,

Fundargerð ritaði: Anna María Elíasdóttir, skrifstofustjóri

Auk ofangreindra ráðsmanna sátu fundinn: Helga Stefánsdóttir forstöðumaður, Sigurður Haraldsson sviðsstjóri.

Dagskrá:

Almenn erindi

1. 1901298 - Vinnuskóli 2019

Fulltrúar Vinnuskólans kynna starfsemi hans í sumar.

Geir Bjarnason íþrótta- og tómstundafulltrúi kynnti starfsemi Vinnuskólans fyrir sumarið 2019.

2. 1904007 - Sambo Ísland, umsókn um æfingaaðstöðu

Lögð fram umsókn Sambo Ísland um æfingaraðstöðu. Lögð fram bókun ÍTH. "ÍTH nefndin tekur vel í erindið og vísar því til úrvinnslu hjá Umhverfis- og skipulagssviði."

Umhverfis- og framkvæmdaráð samþykkir að Sambo Ísland fái aðstöðu fyrir æfingar að Flatahrauni 14.

Helga Ingólfsdóttir vék af fundi við afgreiðslu þessa erindis.

3. 1808075 - Fjárhagsáætlun Hafnarfjarðarkaupstaðar og fyrirtækja hans 2019 og 2020-2022

Lagðar fram lykiltölur fyrir fyrstu 3 mánuði ársins sem og breytingar í fjárfestingum 2019.

Umhverfis- og framkvæmdaráð samþykkir framlagðar breytingar í fjárfestingum 2019 og vísar til bæjarráðs.

4. 1905145 - Útboðsmál hjá Hafnarfjarðarbæ, tillaga

Fulltrúi Miðflokksins, Arnhildur Ásdís Kolbeins, gerir þá tillögu að Hafnarfjarðarbær bjóði út í rammasamningsútboði viðhaldsverkefni og smærri framkvæmdaverkefni á vegum umhverfis- og skipulagsþjónustu til tveggja ára í senn, í þeim tilgangi að auka hagkvæmni verkefna, gagnsæi og jafnræði.

Umhverfis- og framkvæmdaráð tekur undir tillöguna og vísar henni til fjárhagsáætlunargerðar.

5. 1905232 - Sorphirðutunnur, lokanir

Tekið til umræðu hvernig hægt er að gera fólki og fyrirtækjum kleift að setja einfaldar lokur á ruslatunnur sínar svo koma megi í veg fyrir að rusl fjúki úr þeim í hvassviðri eða þegar tunnurnar feykjast um koll.

Umhverfis- og framkvæmdaráð vísar erindinu til skoðunar hjá umhverfis- og skipulagsþjónustu.

6. 1803160 - Ærslabelgur

Umhverfis- og framkvæmdaráð vísaði tillögum að staðsetningu ærslabelgs til umsagnar fræðsluráðs á fundi sínum þann 8.5.2019. Lögð fram bókun Fræðsluráðs frá 9.5.2019. "Fræðsluráð samþykkir að fjárfesta í ærslabelg og tekur undir bókun umhverfis- og framkvæmdaráðs um að fyrsti ærslabelgurinn sem fjárfest verði í verði staðsettur á Víðistaðatúni."

Umhverfis- og framkvæmdaráð samþykkir uppsetningu á ærslabelg á Víðistaðatúni.

7. 1706086 - Skólahreystibraut

Umhverfis- og framkvæmdaráð óskaði eftir endurmati á staðsetningu hreystibrautar frá fræðsluráði á fundi sínum þann 2.5.2019. Lögð fram bókun Fræðsluráðs frá 9.5.2019. "Fræðsluráð leggur til að hreystibrautin verði staðsett á Hörðuvöllum enda telst sú staðsetning miðsvæðis. Gott aðgengi og góðar almenningssamgöngur er á svæðinu. Einnig má geta þess að hreystivöllur verður á nýrri skólalóð Skarðshlíðarskóla."

Umhverfis- og framkvæmdaráð vísar erindinu til afgreiðslu skipulags- og byggingarráðs.

8. 0801336 - Norðurbakki, yfirborðsfrágangur

Tekið fyrir að nýju.

Umhverfis- og framkvæmdaráð frestar verkefninu og vísar því til fjárhagsáætlunargerðar 2020.

9. 1702008 - Öryggis- og eftirlitsmyndavélar í landi Hafnarfjarðar

Tekið fyrir að nýju.

Umhverfis- og framkvæmdaráð óskar eftir kostnaðarmati við uppsetningu öryggis- og eftirlitsmyndavéla. Staðsetningar til skoðunar eru Hlíðartorg við N1 og gatnamót Reykjavíkurvegar og Hjallabrautar. Fulltrúi Sjálfstæðisflokks, Skarphéðinn Orri Björnsson, situr hjá við afgreiðslu málsins.

10. 1905237 - Yfirlagnir í Hafnarfirði, 2019

Tekið til umræðu.

Erindi frestað.

11. 1905199 - Reykjanesbraut, framkvæmdir

Lagt fram erindi íbúa í Vallarbarði varðandi hljóðvist frá Reykjanesbraut dags. 15. maí 2019.

Umhverfis- og framkvæmdaráð vísar erindinu til Vegagerðarinnar.

12. 1902539 - Seltún, borhola K-16

Tekið fyrir að nýju.

Tekið til umræðu.

13. 1106043 - Gatnalýsing í Hafnarfirði

Lögð fram niðurstaða útboðs á Led götuljóskerjum.

Lagt fram til kynningar.