Til bakaPrenta
Bæjarstjórn - 1833

Haldinn í fundarsal bæjarstjórnar Hafnarborg,
02.10.2019 og hófst hann kl. 14:00
Fundinn sátu: Rósa Guðbjartsdóttir bæjarstjóri,
Adda María Jóhannsdóttir aðalmaður,
Kristinn Andersen forseti,
Ólafur Ingi Tómasson aðalmaður,
Friðþjófur Helgi Karlsson aðalmaður,
Jón Ingi Hákonarson aðalmaður,
Ágúst Bjarni Garðarsson 2. varaforseti,
Guðlaug Svala Steinunnar Kristjánsdóttir 1. varaforseti,
Kristín María Thoroddsen aðalmaður,
Guðbjörg Oddný Jónasdóttir varamaður,
Sigurður Þórður Ragnarsson aðalmaður,
Skarphéðinn Orri Björnsson varamaður,
Fundargerð ritaði: Ívar Bragason, Lögmaður á stjórnsýslusviði og ritari bæjarstjórnar.
Mættir eru allir aðalbæjarfulltrúar að undanskilinni Helgu Ingólfsdóttur en í hennar stað mætir Guðbjörg Oddný Jónasdóttir.

Rósa Guðbjartsdóttir vék af fundi kl. 15:34 og í hennar stað sat það sem eftir leið fundar Skarphéðinn Orri Björnsson.

Forseti bæjarstjórnar Kristinn Andersen setti fundinn og stýrði honum.

Í upphafi fundar bar forseti upp tillögu um að tekið yrði nýtt á dagskrá fundarins en það er mál nr. 1806197, Austurgata 11, deiliskipulagsbreyting.

Er tillagan samþykkt samhljóða og verður málið annað mál á dagskrá fundarins.


Dagskrá: 
Almenn erindi
1. 1803242 - Samgönguframkvæmdir á höfuðborgarsvæðinu til 2033
Lagt fram samkomulag um skipulag og fjármögnun uppbyggingar á samgönguinnviðum til og með ársins 2033 til samþykktar.
Til máls tekur Rósa Guðbjartsdóttir.

Einnig tekur til máls Sigurður Þ. Ragnarsson. Til andsvars kemur Ágúst Bjarni Garðarsson og svarar Sigurur andsvari. Ágúst Bjarni kemur til andsvars öðru sinni sem Sigurður svarar einnig öðru sinni.

Þá tekur til máls Friðþjófur Helgi Karlsson. Til andsvars kemur Rósa Guðbjartsdóttir.

Næst tekur Ingi Tómasson til máls. Til andsvars kemur Sigurður Þ. Ragnarsson. Ingi Tómasson svarar andsvari. Sigurður kemur til andsvars öðru sinni sem Ingi svarar einnig öðru sinni.

Þá tekur til máls Guðlaug Kristjánsdóttir. Til andsvars kemur Rósa Guðbjartsdóttir og svarar Guðlaug andsvari. Rósa kemur þá næst til andsvars öðru sinni. Einnig kemur Sigurður Þ. Ragnarsson til andsvars og svarar Guðlaug andsvari.

Rósa Guðbjartsdóttir víkur af fundi kl. 15:34 og í hennar stað situr fundinn Skarphéðinn Orri Björnsson.

Næst tekur Adda María Jóhannsdóttir til máls og kemur Ágúst Bjarni til andsvars.

Þá tekur Jón Ingi Hákonarson til máls. Til andsvars kemur Ingi Tómasson.

Bæjarstjórn samþykkir að vísa málinu til bæjarráðs til frekari umræðu og kynningar.
Samkomulag um skipulag og fjármögnun uppbyggingar á samgönguinnviðum á höfuðborgarsvæðinu til og 2033.pdf
Framkvæmdaáætlun Viðauki 1.pdf
Staðreyndir og tölur.pdf
Viljayfirlýsing um viðræður um samgöngur á höfuðborgarsvæðinu.pdf
2. 1806197 - Austurgata 11, deiliskipulagsbreyting
Deiliskipulagsbreyting vegna lóðarinnar að Austurgötu 11 var auglýst frá 24.08. ? 05.10. 2018. Engar athugasemdir bárust. Í umsögn Minjastofnunar Íslands, dags. 04.07. 2019, kom fram athugasemd um að byggingarreitur við Austurgötu 11 teljist óskráður hvað fornleifaskráningu varðar. Ný umsögn Minjastofnunar Íslands, dags. 01.10. 2019, liggur fyrir, þar sem fram kemur að Minjastofnun nýtir heimild til að veita undanþágu fyrir framkvæmdum á lóðinni. Í bréfi Skipulagsstofnunar, dags. 15.07. 2019, kemur fram að ?áður en stofnunin getur tekið afstöðu til málsins, þarf bæjarstjórn að bregðast við nýrri umsögn Minjastofnunar þegar hún liggur fyrir?. Óskað er eftir afstöðu bæjarstjórnar til nýrrar umsagnar Minjastofnunar Íslands, dags. 01.10. 2019.
Til máls tekur Guðlaug Kristjánsdóttir.

Bæjarstjórn samþykkir samhljóða fyrirlagða umsögn Minjastofnunar vegna Austurgötu 11.
Austurgata 11 dsk.br. lagf.1.102019.pdf
Austurgata 11 - umsögn MÍ_1.10.2019.pdf
Bréf2_Skipul.st.Austurg.11_júlí2019.pdf
3. 1903199 - Hraun vestur, gjótur, deiliskipulag
1.liður úr fundargerð skipulags- og byggingaráðs frá 30.septembet sl.
Skipulags- og byggingarráð fól skipulagsfulltrúa á fundi sínum þann 24.9. að gera umsögn vegna framkominna athugasemda við tillögur að uppbyggingu. Umsögn skipulagsfulltrúa dags. 27.9.2019 lögð fram.

Fulltrúar Bæjarlistans, Samfylkingar og Viðreisnar leggja fram eftirfarandi bókun:
Tillaga um deiliskipulagsbreytingu á Gjótur reitum 1.1 og 1.4 er að okkar mati algjörlega á skjön við þá góðu samstöðu sem náðist um rammaskipulag fyrir þetta svæði og samþykkt var 15.maí 2018. Nýja tillagan gerir ráð fyrir mikilli aukningu á byggingamagni. Gert er ráð fyrir að fjöldi íbúða aukist úr 150 í 485 með því að leyfa allt að 9 hæða byggingar og fara með nýtingarhlutfall lóðar í 2,31 sem yrði það hæsta í Hafnarfirði. Ef þetta gengi eftir yrðu íbúar um 1.400 talsins á þessu litla svæði. Þessi tillaga er að okkar mati algjörlega óraunhæf og vandséð hvernig leysa ætti bílastæðismál, leikskóla- og skólamál svo eitthvað sé nefnt. Þar að auki myndi slíkt byggingamagn vera fordæmisgefandi fyrir uppbyggingu annarra hverfa á Hraun vestur svæðinu. Það er okkur óskiljanlegt með öllu að meirihluti sjálfstæðismanna og framsóknar skuli leyfa sér að gjörbreyta þeirri lausn sem góð sátt hafði náðst um. Við leggjum til að fylgt verði eftir skilmálum gildandi rammaskipulags.

Meirihluti Sjálfstæðisflokks, Framsóknar og óháðra ásamt fulltrúa Miðflokksins bóka eftirfarandi: Skipulags- og byggingarráð samþykkti tillögu að breyttu deiliskipulagi Hraun vestur, Gjótur, deiliskipulag, ásamt greinargerð (dagsett 16. maí 2019) á fundi sínum 21. maí síðastliðinn. Bæjarstjórn Hafnarfjarðar samþykkti þann 29. maí samhljóma að auglýsa deiliskipulagstillöguna. Umsagnafrestur hefur verið framlengdur tvisvar sinnum á heimasíðu og samfélagsmiðlum bæjarfélagsins. Málið hefur auk þess verið kynnt mjög vel, meðal annars á fjölmennum fundi í Bæjarbíói. Meginforsenda svæðisskipulags höfuðborgarsvæðisins er uppbygging og þétting byggðar við samgöngumiðuð svæði. Uppbygging íbúða og þjónustu á þessum reit er í fullkomnu samræmi við markmið svæðisskipulagsins. Ofangreindir fulltrúar skipulags- og byggingarráðs eru þeirrar skoðunar að framkomin deiliskipulagstillaga sé í góðu samræmi við rammaskipulagið sem samþykkt var í skipulags- og byggingarráði þann 15. maí 2018 og vísaði til áframhaldandi úrvinnslu.

Meirihluti skipulags- og byggingarráðs samþykkir að deiliskipulagstillagan verði afgreidd í samræmi við 42. grein skipulagslaga og jafnframt að reiturinn verði skilgreindur sem þróunarreitur í samræmi við 6.mgr. 37.greinar skipulagslaga. Erindinu er jafnframt vísað til bæjarstjórnar til afgreiðslu.
Til máls tekur Ólafur Ingi Tómasson. Til andsvars kemur Guðlaug Kristjánsdóttir og svarar Ólafur Ingi andsvari. Guðlaug kemur þá til andsvars öðru sinni sem Ólafur Ingi svarar. Næst kemur Jón Ingi Hákonarson til andsvars og svarar Ólafur Ingi andsvari. Jón Ingi kemur þá til andsvars öðru sinni sem Ólafur Ingi svarar öðru sinni. Jón Ingi kemur að stuttri athugasemd sem og Ólafur Ingi. Næst kemur til andsvars Adda María Jóhannsdóttir og svarar Ólafur Ingi andsvari. Þá kemur Adda María til andsvars öðru sinni.

Næst tekur til máls Sigurður Þ. Ragnarsson.

Einnig tekur Ágúst Bjarni Garðarsson til máls. Til andsvars kemur Adda María Jóhannsdóttir. Ágúst Bjarni svarar andsvari. Þá kemur Adda María til andsvars öðru sinni. Þá kemur Guðlaug til andsvars við ræðu Ágústs Bjarna og svarar Ágúst andsvari. Þá kemur Guðlaug til andsvars öðru sinni sem Ágúst Bjarni svarar öðru sinni.

Þá tekur til máls Adda María Jóhannsdóttir. Til andsvars kemur Ólafur Ingi og svarar Adda María andsvari. Þá kemur Ólafur Ingi til andsvars öðru sinni sem Adda María svarar einnig öðru sinni. Þá kemur Ólafur Ingi að stuttri athugasemd. Næst kemur Ágúst Bjarni að andsvari sem Adda María svarar. Þá kemur Ágúst Bjarni til andsvars öðru sinni sem Adda María svarar öðru sinni. Þá kemur Ágúst Bjarni að stuttri athugasemd.

Einnig tekur til máls Guðlaug Kristjánsdóttir. Til andsvars kemur Ágúst Bjarni. Guðlaug svarar andsvari. Ágúst Bjarni kemur þá til andsvars öðru sinni. Einnig kemur Ólafur Ingi til andsvars við ræðu Guðlaugar. Guðlaug svarar næst andsvari. Þá kemur Ólafur Ingi til andsvars öðru sinni. Þá kemur Sigurður Þ. Ragnarsson til andsvars við ræðu Guðlaugar og svarar Guðlaug andsvari. Þá kemur Sigurður til andsvars öðru sinni sem Guðlaug svarar andsvari.

Þá tekur til máls Jón Ingi Hákonarson. Til andsvars kemur Ólafur Ingi sem Jón Ingi svarar andsvari. Þá kemur Ólafur Ingi til andsvars öðru sinni. Einnig kemur Ágúst Bjarni til andsvars við ræðu Jóns Inga. Þá svarar Jón Ingi andsvari öðru sinni. Næst kemur Guðlaug Krisjánsdóttir til andsvars við ræðu Jóns Inga.

Fundarhlé kl. 18:23.

Fundi framhaldið kl. 18:43.

Þá tekur til máls Friðþjófur Helgi Karlsson. Til andsvars kemur Ingi Tómasson og svarar Friðþjófur Helgi andsvari.

Þá tekur Ólafur Ingi til máls öðru sinni.

Einnig tekur til máls öðru sinni Jón Ingi Hákonarson.

Bæjarstjórn staðfestir með 8 greiddum atkvæðum afgreiðslu skipulags- og byggingarráðs. Þau Adda María Jóhannsdóttir og Jón Ingi Hákonarson greiða atkvæði a móti tillögunni og Guðlaug Kristjánsdóttir situr hjá við atkvæðagreiðsluna.

Sigurður Þ. Ragnarsson kemur að svohljóðandi bókun:

Bæjarfulltrúi Miðflokksins leggur fram eftirfarandi bókun:
Það er nauðsynlegt að samkvæmni sé í ákvörðunum stjórnsýslunnar í bænum. Bæjarstjórn samþykkti samhljóða 29. maí sl. að auglýsa deiliskipulagið, en þá lágu fyrir þær breytingar sem nú liggja fyrir. Í annan stað telur bæjarfulltrúi Miðflokksins að við séum ekki komin á þann stað að hafa hlutfall bílastæða aðeins 0,65 og fagnar því að það hafi verið aukið. Má ennfremur nefna að stór hluti þessara bílastæða er afturkræfur þegar og ef almenningssamgöngur verða fyrirferðarmeiri. Í þriðja lagi er umræddur byggingareitur við helsta samgönguás bæjarins og telur bæjarfulltrúi Miðflokksins þvi eðlilegt að hlutfall íbúða hækki frá því sem áður var. Hins vegar hefði bæjarfulltrúinn talið að 9 hæða bygging sé of há. Að þessu virtu, þ.e. að teknu tilliti til vægi áðurnefndra þátta, styður bæjarfulltrúinn deiliskipulagstillöguna.

Adda María Jóhannsdóttir kemur að svohljóðandi bókun:

Undirrituð fagnar áformum um þéttingu byggðar á svæðinu sem kallað hefur verið Hraun-Vestur, Gjótur og bindur vonir við að það verði til þess að vöxtur verði í byggingu nýrra íbúða. Mikilvægt er að vanda til verka með fyrstu áfanga uppbyggingarinnar svo þar byggist upp eftirsóknarvert hverfi.

Í þessari deiliskipulagstillögu eru hins vegar töluverð frávik frá rammaskipulagi sem kynnt var íbúum og þverpólitísk sátt ríkti um. Það er miður að tillögu fulltrúa Samfylkingarinnar og Viðreisnar um kynningarfund á þessari tillögu, sem lögð var fram í Skipulags- og byggingarráði, hafi verið hafnað af fulltrúum meirihlutans. Þar sem rammaskipulagið var aldei staðfest af bæjarstjórn er mikilvægt að leggja fram skýra framtíðarsýn fyrir svæðið og kynna hana fyrir bæjarbúum áður en deiliskipulag fyrir þessa reiti verður samþykkt. Þá þarf að huga að aukinni innviðauppbyggingu, s.s. leik- og grunnskólum, ef vilji er til að fara í þá miklu aukningu á íbúðamagni sem tillagan gengur út á.
Í ljósi ofangreinds getur undirrituð ekki stutt afgreiðslu deiliskipulagsins eins og það liggur fyrir.

Adda María Jóhannsdóttir


Jón Ingi Hákonarson kemur að svohljóðandi bókun:

Fulltrúi Viðreisnar mótmælir breytingu á skipulagi Hraun Vestur með því að gera umræddan reit að þróunarreit. Rammaskipuleg Hraun Vestur var gert í mikilli sátt og er miður að enn og aftur er rammaskipulag sem unnið er í sátt við almenning lagt til hliðar. Þessi ákvörðun um þróunarreit mun veita verktaka töluvert mikið frelsi til breytinga á byggingarmagni, fjölda íbúða og annarra breytinga, meirihlutinn mun eiga mun auðveldara að verða við kröfum verktaka um breytingu sem er mun auðveldara en ef skýrt deiliskipulag með greinargerð er í gildi. Þessi ákvörðun getur einnig haft þær afleiðingar að eigendur annarra reita í Hraun Vestur muni krefjast sömu meðferðar í gegnum jafnræðisreglu skipulagslaga og krefjast þess að fá sína reiti skilgreinda sem þróunarreiti og eiga auðveldara með að komast hjá því að byggja t.a.m. bílakjallara.

Enn og aftur sjáum við kunnuglegt stef í skipulagsmálum þegar stefnumörkun sem unnin hefur verið í sátt er jörðuð á síðustu metrum ákvarðanatökunnar. Hér er hugmyndin um þróunarreit látið læðast inn tveimur dögum fyrir afgreiðslu bæjarstjórnar sem er allt of stuttur tími til að hægt sé að ræða málið opinskátt og bregðast við með upplýstum hætti. Það að hverfa frá hefðbundnu deiliskipulagi með greinargerð deiliskipulags er með öllu óskiljanlegt en skijanlegt þegar saga skipulagsmála í Hafnarfirði er skoðuð. Hér er verktakaræði fastsett á kostnað almannahagsmuna. Sporin hræða.

Ágúst Bjarni Garðarsson kemur að svohljóðandi bókun fyrir hönd meirihluta:

Meirihluti Sjálfstæðisflokks og Framsóknar bókar eftirfarandi:
Meginforsenda svæðisskipulags höfuðborgarsvæðisins er uppbygging og þétting byggðar við samgöngumiðuð svæði. Uppbygging íbúða og þjónustu á þessum reit er í fullkomnu samræmi við markmið svæðisskipulagsins. Meirihlutinn er þeirrar skoðunar að framkomin deiliskipulagstillaga sé í góðu samræmi við rammaskipulagið sem samþykkt var í skipulags- og byggingarráði þann 15. maí 2018 og vísaði til áframhaldandi úrvinnslu.





Hraunbyggd_dsk__dsk-102.pdf
Hraunbyggd_dsk__dsk-101.pdf
Hraun vestur, gjótur, umsögn skipulagsfulltrúa.pdf
Hraun vestur, Gjótur, athugasemdir.pdf
Hraun vestur, Gjótur, athugasemdir (fjórir aðilar).pdf
Hraun Vestur og miðbær.pdf
Hraun vestur, gjótur, aths við deiliskipulag.pdf
Athugasemdir vegna dsk.br. Gjótur.pdf
Greinargerð_Hraunbyggð_vindafar_endanlegt.pdf
Hraunbyggð-samanburður við RSK-svar-2019-04-10.pdf
Hraunbyggð-Greinargerð_20190516_vegna_auglysingar.pdf
4. 1903414 - Samþykktir um kattahald, breytingar
7.liður úr fundargerð umhverfis- og framkvæmdaráðs frá 25.september sl.
Tekið fyrir að nýju.

Umhverfis- og framkvæmdaráð samþykkir breytingar á samþykkt um kattahald og vísar henni til afgreiðslu bæjarstjórnar.
Til máls tekur Adda María Jóhannsdóttir. Til andsvars kemur Friðþjófur Helgi Karlsson. Einnig kemur til andsvars Ólafur Ingi Tómasson. Adda María svarar andsvari.

Bæjarstjórn samþykkir með 10 greiddum atkvæðum fyrirliggjandi breytingar á samþykkt um kattahald. Adda María Jóhannsdóttir situr hjá við atkvæðagreiðslu.
Samþykkt um kattahald í Hafnarfjarðarbæ_samþykkt 25.9.2019.pdf
5. 1806328 - Verklagsreglur um skólavist hafnfirskra grunnskólabarna
3.liður úr fundargerð fræðsluráðs frá 25.september sl.
Minnisblað og tillögur sviðsins um breytingar á skólavistarreglum fyrir grunnskóla Hafnarfjarðar.

Fræðsluráð samþykkir fyrir sitt leiti fyrirliggjandi drög um uppfærðar verklagsreglur um skólavist hafnfirskra grunnskólabarna og vísar til afgreiðslu í bæjarstjórn Hafnarfjarðar.

Bergur Þorri Benjamínsson leggur fram eftirfarandi bókun:

"Grunnur að skólavistunarreglum Hafnarfjarðar byggja á ýmsum lögum sem Hafnarfjarðarkaupstaður ber að fylgja. Í þeim er sérstaklega tekið á þeim börnum búa á tveimur stöðum og eiga foreldra með sameiginlega forsjá. Sérstaklega var fjallað um þessi börn í skýrslu Innanríkisráðherra ?um jafnt búsetuform barna sem búa á tveimur heimilum.? Þar er ekki lagt til að heimila eigi tvöfalt lögheimili barna. Af þessu leiðir að ég sit hjá við þann kafla í skólavistunarreglum Hafnarfjarðarkaupstaðar."
Til máls tekur Kristín María Thoroddsen.

Einnig tekur til máls Guðlaug Kristjánsdóttir.

Þá tekur Adda María Jóhannsdóttir til máls. Til andsvars kemur Kristín María Thoroddsen sem Adda María svarar.

Bæjarstjórn samþykkir samhljóða fyrirliggjandi drög að verklagsreglum um skólavist grunnskólabarna.
Verklagsreglur_skólavist-i-grunnskólum-Hafnarfjarðar-2019_endurskodun.pdf
6. 1708289 - Rekstur íþróttahúss
7.liður úr fundargerð fræðsluráðs frá 25.september sl.
Erindi Badmintonfélags Hafnarfjarðar þar sem þeir óska eftir því að taka yfir rekstur íþróttahússins við Strandgötu lagt fram.

Fræðsluráð samþykkir fyrirliggjandi rekstrarsamning milli Hafnarfjarðarbæjar og Badmintonfélags Hafnarfjarðar og vísar til samþykktar í bæjarstjórn.
Til máls tekur Kristín María Thoroddsen. Til andsvars kemur Guðlaug Kristjánsdóttir.

Bæjarstjórn samþykkir samhljóða fyrirliggjandi rekstrarsamning
Rekstrarsamningur BH - loka.pdf
7. 1810029 - Kærumál vegna ákvarðana bæjarstjórnar Hafnarfjarðarkaupstaðar
2.liður úr fundargerð bæjarráðs frá 26.september sl.
Lagt fram álit samgöngu- og sveitarstjórnarráðuneytis dags 13. september 2019.

Fulltrúar Sjálfstæðisflokks og Framsóknar og óháðra leggja fram svohljóðandi bókun:

Álit samgöngu- og sveitarstjórnarráðuneytisins staðfestir að afgreiðsla bæjarráðs þann 8. ágúst 2018 á rammasamkomulagi um framkvæmdir á Kaplakrika hafi verið í samræmi við heimildir. Auk þess eru engar athugasemdir gerðar við fundarboðun og meðferð málsins á bæjarstjórnarfundi viku síðar. Ráðuneytið gerir heldur ekki athugasemdir við greiðslu á 100 milljónum króna samkvæmt rammasamkomulaginu þann 16. ágúst 2018, þar sem viðauki við fjárhagsáætlun hafi verið samþykktur í bæjarstjórn, 6 dögum síðar, þann 22. ágúst 2018. Ráðuneytið telur þó að réttara hefði verið að staðfesta viðaukann áður en greiðslan fór fram og verður það sjónarmið haft til hliðsjónar við afgreiðslu sambærilegra mála í framtíðinni. Er það mat ráðuneytisins að þessi ágalli hafi engin áhrif á lögmæti greiðslunnar og því sé ekki tilefni til frekari aðgerða í málinu.

Fulltrúar Bæjarlista og Samfylkingar leggja fram svohljóðandi bókun:

Álit Sveitastjórnarráðuneytisins staðfestir að rammasamkomulag það sem samþykkt var í bæjarráði í umboði bæjarstjórnar þann 8. ágúst 2018 hafi varðað verulega fjárhagslega hagsmuni sveitarfélagsins og ekki verið í samræmi við fyrirliggjandi fjárhagsáætlun þess. Ekki sé hægt að leggja að jöfnu byggingu nýs knatthúss annars vegar og kaup á fasteignum af íþróttafélagi hins vegar. Auk þess hafi ekki verið tekið á 70 milljón króna mismun milli fyrri og síðari fyrirætlana. Ekki hafi verið til staðar heimild til ráðstöfunar fjármuna á grunni rammasamkomulagsins fyrr en fyrir lægi viðauki staðfestur af bæjarstjórn. Því hafi greiðsla á 100 milljónum króna sem innt var af hendi til FH þann 16. ágúst 2018 verið án heimildar.
Telur ráðuneytið ámælisvert af hálfu Hafnarfjarðarbæjar að hafa ekki undirbúið rammasamkomulagið með gerð viðauka sem og að inna af hendi ótímabæra greiðslu.
Þetta álit fer þvert gegn þeim rökstuðningi sem lagður hefur verið fram af hálfu bæjarstjóra, enda var viðauki um síðir lagður fram fyrir tilstuðlan fulltrúa minnihluta í bæjarstjórn. Sá viðauki er síðan forsenda þess að ráðuneyti telur ekki ástæðu til íhlutunar þrátt fyrir ámælisverða stjórnsýslu.
Undirbúningur, framlagning og samþykkt rammasamkomulagsins er talin vera innan lagaramma og falla undir heimild sveitastjórnar til að taka pólitískar ákvarðanir. Þó liggur fyrir að fundur í bæjarráði var boðaður með minnsta mögulega fyrirvara, þremur sólarhringum áður en umboð bæjarstjórnar til ráðsins féll niður. Ástæða þessa flýtis hefur aldrei fyllilega verið rökstudd. Gögn í málinu voru almennt ekki lögð fram fyrr en fast hafði verið gengið eftir þeim af hálfu fulltrúa minnihluta og sumum beiðnum um upplýsingar hefur enn ekki verið svarað.
Ákvörðun um mál sem varðaði verulega hagsmuni sveitarfélagsins og ekki var heimild fyrir í fjárhagsáætlun var með öðrum orðum keyrð í gegn með meirihlutavaldi með minnsta mögulega fyrirvara og án þess að fyrir lægju haldbær gögn. Í áliti sínu telur ráðuneytið ástæðu til að árétta að heimildir bæjarráðs til fullnaðarafgreiðslu mála í sumarleyfi bæjarstjórnar séu ekki ætlaðar til þess að taka ákvarðanir um ráðstöfun verulegra hagsmuna sveitarfélagsins með skömmum fyrirvara og án tilhlýðilegs undirbúnings enda stangist það á við lýðræðislegan grundvöll sveitarfélaga og sjónarmið um vandaðan undirbúning ákvarðana sem varða almannahag.
Ráðuneytið telur að stjórnsýslu Hafnarfjarðarbæjar hafi að nokkru leyti verið ábótavant við meðferð og afgreiðslu málsins og sé það ámælisvert. Þeim tilmælum er einnig beint til Hafnarfjarðarbæjar að hafa þau sjónarmið sem rakin eru í álitinu til hliðsjónar við afgreiðslu sambærilegra mála í framtíðinni.
Ráðuneytið tekur ekki afstöðu til þess hvort það að sveitarfélag gefi aðila byggingu sem metin er á 400 milljónir og kaupi hana svo aftur á ótilgreindu verði teljist ábyrg ráðstöfun skattfjár. Né heldur hvort ákvörðun um að kaupa fasteignir án þess að fyrir liggi gögn um verð eða ástand þeirra teljist ábyrg meðferð almannafjár. Í því máli vitnar ráðuneytið til þess að sveitarstjórn sé heimilt að taka pólitískar ákvarðanir. Hér er því um að ræða pólitíska ákvörðun sem meirihluti Sjálfstæðisflokks og Framsóknar og óháðra verða að standa og falla með. Fulltrúar Samfylkingar og Bæjarlista eru andvígir slíkum ráðstöfunum og telja það óábyrgt að semja um kaupverð fasteigna án þess að fyrir liggi ástands- og verðmat á þeim, ekki síst þar sem hluti þeirra er þegar skráður sem eign sveitarfélagsins.

Áheyrnarfulltrúi Miðflokksins leggur fram svohljóðandi bókun:

Bæjarfulltrúi Miðflokksins fagnar að komin sé niðurstaða í þessu kærumáli. Ljóst er að betur hefði mátt standa að þessari stóru ákvörðun á öllum stigum þess enda þótt ráðuneytið sjái ekki ástæðu til inngripa af þess hálfu.

Rósa Guðbjartsdóttir bæjarstjóri leggur fram svohljóðandi bókun:

Undirrituð fagnar þessari niðurstöðu ráðuneytisins og kemur hún ekki á óvart enda var unnið í málinu í góðri trú um rétt vinnubrögð. Hins vegar verða ábendingar um tímasetningu viðauka að sjálfsögðu teknar til greina héðan í frá. Upphlaup tiltekinna fulltrúa minnihlutans í bæjarstjórn, þung orð sem voru látin falla og ásakanir í garð þeirra sem að málinu unnu dæma sig sjálfar og voru einfaldlega stormur í vatnsglasi.
Rósa Guðbjartsdóttir
Til máls tekur Adda María Jóhannsdóttir.

Einnig tekur til máls Guðlaug Kristjánsdóttir.

Þá tekur Ágúst Bjarni Garðarsson til máls.

Þá tekur Friðþjófur Helgi Karlsson til máls.
Álit ráðuneytis, 13. september 2019.pdf
8. 1904419 - Hafnarfjarðarkaupstaður, félagslegar leiguíbúðir
7.liður úr fundargerð bæjarráðs frá 26.september sl.
Lögð fram kauptilboð í Suðurhvamm 11, íbúð 0401

Lögð eru fram tvo kauptilboð í íbúð 0401 að Suðurhvammi 11. Bæjarráð samþykkir að taka hæsta kauptilboði að upphæð 41,5 millj.kr. og vísar til staðfestingar í bæjarstjórn.
Bæjarstjórn samþykkir afgreiðslu bæjarráðs með 10 greiddum atkvæðum. Sigurður Þ. Ragnarsson situr hjá við atkvæðagreiðslu.
9. 1909264 - Norðurvangur 19, lóðarleigusamningur
8.liður úr fundargerð bæjarráðs frá 26.september sl.
Lagður fram lóðarleigusamningur um Norðurvang 19

Bæjarráð samþykkir fyrirliggjandi lóðarleigusamning og vísar til bæjarstjórnar til staðfestingar.
Bæjarstjórn samþykkir samhljóða afgreiðslu bæjarráðs.

10. 1809309 - Siðareglur, innsend erindi 2018-2022
4.liður úr fundargerð forsetanefndar frá 30.september sl.
Til umræðu

Kynnt álit siðanefndar Sambands íslenskra sveitarfélaga. Með vísan til framkomins álits telur forsetanefnd ekki tilefni til að aðhafast frekar og telur málinu lokið af sinni hálfu. Álitið hefur þegar verið kynnt aðilum málsins og er ritara forsetanefndar falið að kynna þeim niðurstöðu nefndarinnar.
Til máls tekur Ólafur Ingi Tómasson. Til andsvars kemur Friðþjófur Helgi Karlsson.
Álit siðanefndar Sambands íslenskra Sveitarfélaga - Kvörtun ÓIT.pdf
Fundargerðir
11. 1901147 - Fundargerðir 2019, til kynningar í bæjarstjórn
Fundargerðir skipulags- og byggingaráðs frá 24. og 30.sept.sl.
Fundargerð fræðsluráðs frá 25.september sl.
a. Fundargerð íþrótta- og tómstundanefndar frá 18.sept.sl.
Fundargerðir fjölskylduráðs frá 20. og 27.september sl.
Fundargerð bæjarráðs frá 26.september sl.
a. Fundargerð hafnarstjórnar frá 11.september sl.
b. Fundargerðir menningar- og ferðamálanefndar frá 6.,12. og 18.september sl.
c. Fundargerð stjórnar SSH frá 2.september sl.
Fundargerð umhverfis- og framkvæmdaráðs frá 25.september sl.
Fundargerð forsetanefndar frá 30.september sl.
Til máls tekur Adda María Jóhannsdóttir undir 3. lið í fundargerð fjölskylduráðs frá 27. september sl.

Einnig tekur Friðþjófur Helgi Karlsson til máls undir 3. lið frá fundi skipulags- og byggingarráðs frá 24. september sl. Einnig tekur til máls undir sama lið Ágúst Bjarni Garðarsson. Til andsvars kemur Friðþjófur Helgi. Einnig til andsvars kemur Jón Ingi Hákonarson. Einnig kemur til andsvars Adda María Jóhannsdóttir. Ágúst Bjarni svarar andsvari.

Einnig tekur Guðlaug Kristjánsdóttir til máls undir sama lið. Til andsvars kemur Ágúst Bjarni.

Þá tekur Sigurður Þ Ragnarson einnig til máls undir sama lið. Til andsvars kemur Ólafur Ingi Tómasson.
Fleira ekki gert. Fundi slitið kl. 21:01 

Til bakaPrenta