| |
| 1. 2408584 - Reglur um akstursþjónustu fatlaðs fólks | | Drög að reglum Hafnarfjarðar um akstursþjónustu fyrir fatlað fólk lagðar fram til kynningar | | Lagt fram til kynningar. Fjölskylduráð felur sviðsstjóra að vinna að frekari útfærslu á akstri fyrir grunnskólabörn með fötlun í samstarfi við mennta-og lýðheilsusvið. | | |
|
| 2. 2508537 - Miðstöðin - vinna og virkni fyrir fatlað fólk | | Þórdís Rúríksdóttir forstöðumaður kynnir Miðstöðina, vinnu og virkni fyrir fatlað fólk. | Fjölskylduráð þakkar Þórdísi Rúríksdóttur fyrir kynninguna.
Í ljósi fyrri samþykktar ráðsins á sameiningu Geitunganna og Hæfingarstöðvarinnar í Bæjarhrauni fagnar fjölskylduráð framvindu innleiðingarinnar undir nýju yfirheiti Miðstöðvarinnar og þakkar fyrir greinargóða kynningu. Með Miðstöðinni skapast skýr og samþætt þjónusta í fjórum sérhæfðum deildum þar sem áhugi og þarfir hvers einstaklings eru í forgrunni. Umhverfisvaktin flyst í nýtt og vandað húsnæði að Selhellu 7 með auknum vinnuverkefnum, Miðstöð félags- og líkamlegrar virkni fær bætt rými á Suðurgötu 14 og Miðstöð skynörvunar og Miðstöð óhefðbundinna tjáskipta flytur frá Bæjarhrauni á Suðurgötu 14 í stærra og endurbætt rými. Fjölskylduráð fagnar einnig markmiðum um aukin gæði og fjölbreytni, fleiri raunhæfum vinnuverkefnum og meiri þátttöku á almennum vinnumarkaði fyrir fatlað fólk. Það er ánægjulegt að sjá skýra framvindu að bættri þjónustu í vinnu-og virkniúrræðum í bænum. Sérstaklega er það mikilvægur ávinningur fyrir fatlað fólk að með auknum úrræðum og bættri aðstöðu eykst möguleiki þeirra til virkrar þátttöku á almennum vinnumarkaði, til félagslegrar þátttöku og til aukins sjálfstæðis í daglegu lífi. Þessi þróun stuðlar að bættri lífsgæðum, sterkari samfélagslegri þátttöku og jöfnum tækifærum til að nýta hæfileika sína og færni. | | |
|
| 3. 2502769 - Fjárhagsáætlun Hafnarfjarðarkaupstaðar og fyrirtækja hans 2026 og 2027-2029 | | Fjármálastjóri fer yfir tíma- og verkáætlun fjárhagsáætlunar 2026 og 2027-2029. | | Lagt fram til kynningar. | | |
|
| 4. 2508536 - Stendur starfsendurhæfing | | Sveindís Anna Jóhannsdóttir, framkvæmdarstjóri kynnir Stendur starfsendurhæfingu | | Fjölskylduráð þakkar Sveindísi Önnu Jóhannsdóttur fyrir kynninguna. | | |
|
| |
| 5. 0701243 - Málskot | Lögð fram niðurstaða málskotsnefndar í máli nr. 24/2025.
Fjölskylduráð staðfestir afgreiðslu málskotsnefndar. | | |
|