| |
| 1. 2304606 - Betri vinnutími í leikskólum | | Skýrsla leikskólastjóra um sumarskólann í sumar lögð fram. | | Fræðsluráð kallar eftir hugmyndum frá þróunarfulltrúa leikskóla varðandi fyrirkomulag opnunar í leikskólum sumarið 2027. | | Skýrsla um sumarleikskóla 2026.pdf | | |
|
| 2. 1812064 - Reglur um frístundastyrki | | Til umræðu. | Fræðsluráð þakkar íþróttafulltrúa fyrir upplýsingar á þeim áskorunum sem komið hafa fram vegna breytinga á frístundastyrk. Jafnframt þakkar fræðsluráð íþróttafulltrúa Hafnarfjarðar sérstaklega fyrir þá vinnu sem þetta breytta fyrirkomulag hefur kallað á.
Tillaga foreldraráðs
Foreldraráð Hafnarfjarðar fagnar hækkun frístundastyrks og þeim aukna sveigjanleika sem nýtt fyrirkomulag á að skapa fjölskyldum til framtíðar. Breytingin árið 2026 hefur þó haft ófyrirséð áhrif á sumar fjölskyldur sem höfðu þegar skuldbundið sig til og greitt fyrir frístundastarf barna sinna áður en breytingarnar tóku gildi. Foreldraráð telur mikilvægt að komið verði til móts við þessar fjölskyldur með sanngjörnum hætti, án þess að hverfa frá markmiðum hins nýja kerfis.
Foreldraráð leggur því til að komið verði á tímabundnu úrræði vegna breytinga ársins 2026, þar sem foreldrum sem uppfylla skilyrði verði heimilt að nýta hluta frístundastyrks ársins 2027 á móti styrkhæfum kostnaði sem þeir báru sjálfir árið 2026. Með því fá fjölskyldur ákveðinn sveigjanleika til að mæta þeirri stöðu sem breytingin skapaði, jafnframt því sem tryggt er að sami kostnaður verði ekki niðurgreiddur tvisvar.
Foreldraráð leggur áherslu á að útfærslan verði einföld, gagnsæ og sanngjörn, að skilyrði verði skýr og breytingarnar kynntar foreldrum tímanlega. Jafnframt telur ráðið mikilvægt að íþrótta- og frístundafélög verði höfð með í ráðum við útfærslu lausnarinnar.
Markmiðið ætti að vera að engar fjölskyldur verði fyrir óhóflegum fjárhagslegum áhrifum vegna breytinga á kerfinu sem þær gátu ekki séð fyrir þegar þær tóku ákvarðanir um frístundastarf barna sinna.
| | |
|
| 3. 2602450 - Fjárhagsáætlun Hafnarfjarðarkaupstaðar og fyrirtækja hans 2027 og 2028-2030. | | Fjármálastjóri mætir til fundar. | | Tímalína lögð fram. | | |
|
| 4. 2609182 - Starfsáætlanir grunnskóla 2026-2027 | | Til umræðu. | | Fræðsluráð felur sviðsstjóra mennta- og lýðheilsusviðs að taka saman starfsáætlanir hjá grunnskólum Hafnarfjarðar og leggja fram á næsta fundi ráðsins. | | |
|
| 5. 2312207 - PISA | Framsókn leggur fram eftirfarandi ályktun og óskir eftir samstöðu í fræðsluráði um ályktunina.
Tillaga að ályktun fræðsluráðs
Fræðsluráð Hafnarfjarðar tekur niðurstöður PISA 2025 alvarlega og telur mikilvægt að þær verði nýttar til áframhaldandi umbóta og þróunar í skólastarfi.
Fræðsluráð leggur jafnframt áherslu á að niðurstöðurnar verði skoðaðar í víðu samhengi og að byggt verði markvisst á þeim styrkleikum sem eru til staðar í íslensku skólasamfélagi. Íslensk börn sýna meðal annars forvitni, seiglu og vilja til að takast á við krefjandi verkefni og niðurstöðurnar bera jafnframt vitni um sterk tengsl og traust milli nemenda og kennara.
Fræðsluráð stendur með grunnskólunum í Hafnarfirði, nemendum þeirra, starfsfólki og stjórnendum. Mikilvægt er að skapa skólunum stöðugleika og svigrúm til að sinna meginhlutverki sínu, tryggja öfluga faglega umgjörð, góð námsgögn og aðstæður þar sem kennarar geta einbeitt sér að kennslu og nemendur að námi.
Fræðsluráð telur jafnframt mikilvægt að skólasamfélagið allt taki höndum saman um þau verkefni sem framundan eru. Ábyrgðin er ekki skólanna einna heldur sameiginleg ábyrgð heimila, skóla, sveitarfélags og samfélagsins alls. Við þurfum að hafa metnað fyrir hönd barna, gera til þeirra skýrar væntingar, styðja þau þegar reynir á og skapa þeim aðstæður til að vaxa, læra og ná árangri.
Fræðsluráð hvetur því skólasamfélagið í Hafnarfirði til að halda áfram öflugu starfi af festu og bjartsýni. Við eigum að læra af niðurstöðunum, breyta því sem þarf að breyta og um leið standa vörð um grunnskólann og fólkið sem þar starfar. Þetta verkefni vinnum við best saman. | Fræðsluráð Hafnarfjarðar skorar á Mennta- og barnamálaráðuneytið að tryggja fræðsluyfirvöldum í Hafnarfirði aðgang að niðurstöðum PISA-könnunarinnar, greindum niður á einstaka skóla, fyrir árin 2018, 2022 og 2025.
Ef skilja á ástæður þeirrar neikvæðu þróunar sem niðurstöður PISA benda til er nauðsynlegt að sveitarfélög geti rýnt í eigin niðurstöður og þróun þeirra milli ára. Slík greining er forsenda þess að hægt sé að leggja mat á hvaða þættir kunna að hafa haft áhrif á námsárangur og beina úrbótum þangað sem þeirra er þörf.
Fræðsluráð skorar á ráðuneytið að endurskoða núverandi fyrirkomulag á miðlun PISA-niðurstaðna og treysta sveitarfélögum og sérfræðingum þeirra til að vinna með gögnin með ábyrgum hætti. Markmiðið hlýtur að vera að niðurstöður PISA nýtist ekki aðeins til að lýsa stöðunni heldur einnig til að skilja hana og bæta skólastarf nemendum til heilla.
Miðflokkurinn getur tekið undir margt í þessari ályktun en verður samt að benda á það að niðurstöður PISA fyrir árið 2025 sýna að íslenskir nemendur voru undir meðaltali OECD-ríkja og síðri en meðalframmistaða jafnaldra þeirra á öðrum Norðurlöndum á öllum þremur sviðum PISA.
Vert er að vekja athygli á að meðal þeirra íslenskra nemenda sem tóku þátt í könnuninni voru 28% sem ekki náðu grunnhæfni í neinu þeirra þriggja kjarnasviða sem prófuð voru í PISA könnuninni 2025 og þessu þarf að taka alvarlega.
Miðflokkurinn tekur undir sérfræðingum sem komu að úrvinnslu skýrslunar en þau minna á orð Schleicher sem gerþekkir möguleika og takmarkanir PISA. Hann leggur áherslu á að PISA gefi innlit í menntakerfið á ákveðnum tímapunkti, en segi ekkert um hvernig komist var þangað né hvort og þá hvernig ýmsar aðgerðir, eða einstakar stofnanir kerfisins, hafa mögulega stutt við eða hindrað árangur. En rýna þarf í rannsóknir og reynslu skóla í Hafnarfirði til að leita svara við þeim spurningum.
Miðflokkurinn tekur einnig undir með sérfræðingum skýrslunar að til þess að efla gæði menntunar er nauðsynlegt að beina sjónum að innviðum menntakerfisins og þá einkum að gæðum kennslunnar, þar sem hún er sá farvegur sem allar umbótaaðgerðir fara um. En nýlegar vísbendingar eru um að svigrúm sé til umbóta í íslenskum skólastofum og oft hefur verið bent á nauðsyn þess að efla faglegan stuðning við skólana.
Bókun foreldraráðs Hafnarfjarðar
Foreldraráð Hafnarfjarðar tekur undir að niðurstöður PISA þurfi að taka alvarlega en jafnframt skoða í víðu samhengi. Námsárangur barna við lok grunnskóla verður ekki til á síðustu árum skólagöngunnar. Grunnurinn að málþroska, læsi, lesskilningi og námi er lagður strax á fyrstu árum barnsins og því þurfa umbætur að hefjast þar.
Foreldraráð leggur sérstaka áherslu á leikskólastigið. Mikil og góð vinna fer nú þegar fram í leikskólum Hafnarfjarðar við að skapa börnum öflugt íslenskt málumhverfi. Samhliða þarf þó að horfast í augu við þá áskorun að hluti starfsfólks leikskóla hefur ekki nægilega færni í íslensku til að geta að fullu stutt við málþroska barna í daglegum samskiptum. Leikskólaárin eru mikilvægt mótunarskeið málþroska og börn þurfa ríkuleg og vönduð samskipti á íslensku yfir daginn. Tryggja þarf því markvissan og aðgengilegan stuðning við starfsfólk sem þarf að efla íslensku færni sína.
Fagmenntun og stöðugleiki starfsfólks skipta ekki síður máli. Foreldraráð fagnar þeim aðgerðum sem Hafnarfjarðarbær hefur þegar ráðist í til að gera störf leikskólakennara eftirsóknarverðari og hvetur bæinn til að halda þeirri vinnu áfram af krafti. Leita þarf allra raunhæfra leiða til að laða fleiri menntaða leikskólakennara til starfa og halda þeim innan leikskóla bæjarins. Aukið hlutfall fagmenntaðs starfsfólks, næg mönnun og stöðugleiki eru mikilvægar forsendur öflugs fagstarfs, málörvunar og snemmtækrar íhlutunar.
Öflugt málumhverfi snýst ekki eingöngu um að íslenska sé töluð heldur einnig um gæði samskipta. Börn þurfa daglega tækifæri til samtals, hlustunar, frásagnar, söngs og lesturs og markvissa örvun orðaforða, málskilnings og tjáningar. Fylgjast þarf með málþroska frá unga aldri, grípa snemma inn í þegar þörf er á stuðningi og tryggja samfellu milli leik- og grunnskóla. Sérstaklega þarf að tryggja öflugan stuðning við íslenskunám barna sem hafa annað móðurmál.
Ábyrgðin liggur þó ekki eingöngu innan skólakerfisins. Foreldrar gegna lykilhlutverki í málþroska, lestri og námsvenjum barna sinna. Foreldraráð telur mikilvægt að foreldrar fái áfram fræðslu og hagnýt verkfæri til að styðja við lestur, samtöl, málþroska og heilbrigðar venjur barna heima.
Í því samhengi telur Foreldraráð einnig mikilvægt að horfa til skjánotkunar barna. Skjánotkun íslenskra barna er mikil og vísbendingar eru um að hún sé mikil í alþjóðlegum samanburði en PISA 2025 sýnir að íslenskir nemendur verji að meðaltali um 3,2 klukkustundum á dag í notkun stafrænna tækja til náms í skólanum, sem er með því mesta sem mælist meðal þátttökulanda. Mikil skjánotkun getur tekið tíma frá lestri, samtölum, hreyfingu, svefni og samveru. Foreldraráð hvetur því til áframhaldandi markvissrar vinnu að heilbrigðum skjávenjum og öflugs samstarfs heimila og skóla á því sviði.
Þegar PISA-niðurstöður eru metnar telur Foreldraráð jafnframt mikilvægt að horft sé til framkvæmdar prófsins og hvata nemenda til að leggja sig fram. Foreldraráði hafa borist ábendingar um að sumir nemendur leggi takmarkaða áherslu á prófið þar sem niðurstöðurnar hafa ekki áhrif á einkunnir þeirra eða námsframvindu. Mikilvægt er að skoða hvort og hvernig þetta geti haft áhrif á niðurstöður og hvernig auka megi skilning nemenda á tilgangi prófsins og hvetja þá til virkrar þátttöku og stuðla þannig að því að niðurstöðurnar endurspegli sem best raunverulega færni þeirra.
Foreldraráð Hafnarfjarðar hvetur Hafnarfjarðarbæ til að halda áfram og efla þá vinnu sem þegar er hafin og leggja sérstaka áherslu á að fjölga fagmenntuðum leikskólakennurum, efla íslensku færni starfsfólks, styrkja snemmtæka málörvun og læsi, tryggja samfellu milli skólastiga og styðja foreldra í hlutverki sínu. Jafnframt telur ráðið mikilvægt að sett séu skýr og mælanleg markmið og að reglulega sé lagt mat á hvort þær aðgerðir sem ráðist er í skili tilætluðum árangri.
Umbætur í námsárangri barna hefjast ekki þegar þau taka PISA-próf við lok grunnskóla heldur á fyrstu árum þeirra í menntakerfinu. Þar þarf að leggja grunninn og fylgja honum markvisst eftir alla skólagönguna.
| | |
|
| 6. 2502544 - Grunnskólalóðir 2025 | Framsókn óskar eftir upplýsingum um stöðu framkvæmda á grunnskólalóðum Hafnarfjarðar. Hvað hefur verið gert á þessu ári og hvernig lítur framkvæmdaráætlun út fyrir næstu 12 mánuði
Sérstaklega er óskað eftir stöðu framkvæmda á lóð Öldutúnsskóla en ákveðið var í vor að hafa þá lóð í forgangi í sumar. | | Fræðsluráð óskar eftir samantekt um þau verkefni sem unnin voru sumarið 2026 í leik og grunnskólum. Jafnframt er óskað eftir því að lögð verði fram forgangsröðun eins og fram kemur í skýrslu. | | |
|
| 7. 2602349 - Samningar um afnot af eignum sem heyra undir mennta- og lýðheilsusvið | | Lagt fram. | | Samning um afnot af eigum sem heyra undir mennta- og lýðheilsusvið er vísað til staðfestingar á næsta fundi ráðsins. | | |
|
| |
| 8. 2603378 - Barnvænt sveitarfélag, fundargerðir | | Fundargerð lögð fram. | | Fundargerð lögð fram. | | Barnvænt sveitarfélag_fundargerð_fundur4.pdf | | |
|
| 9. 2608017F - Íþrótta- og tómstundanefnd - 427 | | Fundargerð lögð fram. | | Fundargerð lögð fram. | 9.1. 2608284 - Heimsókn íþrótta- og tómstundanefndar til Bjarkanna Nefndin þakkar fulltrúum Fimleikafélagsins Björk fyrir móttökurnar. | 9.2. 2608285 - Heimsókn íþrótta- og tómstundanefndar til Badmintonfélagsins á Strandgötu Nefndin þakkar fulltrúum Badmintonfélagsins fyrir móttökurnar. | 9.3. 2608286 - Heimsókn íþrótta- og tómstundanefndar til Þyts siglingaklúbbs Nefndin þakkar fulltrúum Siglingarklúbbsins Þyts fyrir móttökurnar. | | |
|
| 10. 2609006F - Íþrótta- og tómstundanefnd - 428 | | Fundargerð lögð fram. | | Fundargerð lögð fram. | 10.1. 2503150 - Barnvænt sveitarfélag, fræðsla ÍTH þakkar Þórunni Þórarinsdóttur kærlega fyrir kynninguna og ítrekar mikilvægi barnvæns sveitarfélags. | 10.2. 2608084 - Frístundamessa Hafnarfjarðar 2026 ÍTH fagnar vel heppnaðri frístundamessu og þakkar félögunum sem tóku þátt í ár. Nefndin leggur áherslu á að viðburðurinn verði endurtekinn árlega og felur íþróttafulltrúa að fylgja því eftir. | 10.3. 1203103 - Erindisbréf fyrir Íþrótta og tómstundanefnd Nefndin tekur erindisbréfið til umræðu og felur íþróttafulltrúa að vinna úr ábendingum og leggja fram drög að breyttu bréfi. | 10.4. 1705068 - Gjafir og viðurkenningar, verklagsreglur Nefndin á umræðu um reglurnar og felur íþróttafulltrúa að yfirfara þær og koma með drög að breytingum. | 10.5. 2609079 - Íþrótta- og viðurkenningarhátíð 2026 Nefndin felur íþróttafulltrúa að vinna drög að umgjörð hátíðarinnar. | | |
|