Bæjarráð - 3681

Haldinn í fundarsal bæjarráðs, Strandgötu 6,
02.05.2025 og hófst hann kl. 08:15

Fundinn sátu: Rósa Guðbjartsdóttir formaður,
Margrét Vala Marteinsdóttir varaformaður,
Árni Rúnar Þorvaldsson aðalmaður,
Guðmundur Árni Stefánsson aðalmaður,
Skarphéðinn Orri Björnsson aðalmaður,
Jón Ingi Hákonarson áheyrnarfulltrúi,
Valdimar Víðisson bæjarstjóri,
Sigurður Nordal sviðsstjóri.

Fundargerð ritaði: Ívar Bragason, Bæjarlögmaður

Dagskrá:

Almenn erindi

1. 2205031 - Sjómannadagsráð og Hrafnista, uppbygging, Hraunvangi

Uppbygging Hrafnistu í Hafnarfirði til kynningar og umræðu. Aríel Pétursson, María Fjóla Harðardóttir og Þröstur V. Söring mæta til fundarins.

Bæjarráð þakkar fyrir kynninguna.

2. 2504736 - Bæjar- og tónlistarhátíð, Hjarta Hafnarfjarðar 2025

Lögð fram umsókn vegna Hjarta Hafnarfjarðar 2025.

Bæjarráð samþykkir að heimila rekstraraðilum Bæjarbíós að halda hátíðina Hjarta Hafnarfjarðar frá 25.06. - 03.08.25
Útfærslu á nýtingu útisvæðis er vísað til afgreiðslu í umhverfis- og framkvæmdarráði.

Erindi til Bæjarráðs v Hjarta Hafnarfjarðar 2025.pdf

Hjarta hfj. 2025 - V.1.0 - TILLAGA af uppstillingu.pdf

3. 2303670 - Miðbær, bílastæði

1. liður úr fundargerð umhverfis- og framkvæmdaráðs frá 2.apríl sl.
Lögð fram drög að nýrri samþykkt um Bílastæðasjóð Hafnarfjarðar. Ketill Sigurður Jóelsson mætir til fundarins og kynnir.

Umhverfis- og framkvæmdaráð þakkar Katli Sigurði Jóelssyni fyrir kynninguna og samþykkir samþykkt um Bílastæðasjóð Hafnarfjarðar fyrir sitt leyti og vísar til afgreiðslu bæjarráðs.

Bæjarráð samþykkir samþykkt um Bílastæðasjóð Hafnarfjarðar og vísar henni til afgreiðslu í bæjarstjórn. Umhverfis- og framkvæmdasvið vinni síðan áfram að þróun og útfærslu verkefnisins. Bæjarráð leggur áherslu á að markmiðið með þeim breytingum sem ráðgerðar eru til reynslu í sumar sé að skammtímastæði nýtist í samræmi við tilgang þeirra og stuðli þannig að bættri nýtingu bílastæða í miðbænum. Breytingarnar eru liður í að styrkja þjónustu og aðstöðu fyrir íbúa, gesti og atvinnulíf í Hafnarfirði og stuðla að skilvirkari umgengni við sameiginleg rými bæjarins.

Samþykkt um bifreiðastæðasjóð Hafnafjarðar 2025 - Drög - 20250325.pdf

Minnisblað ? Endurskoðun á samþykktum Bílastæðasjóðs Hafnarfjarðar - 20250323.pdf

4. 2310818 - Hvaleyrarbraut 22, bruni,

Til umræðu. Sigurður Haraldsson sviðsstjóri mætir til fundarins.

Bæjarráð samþykkir að fylgja málinu eftir í samræmi við 6. gr. Í lóðarleigusamningi um lóðina þar sem gert er ráð fyrir að lóðin falli til bæjarins hafi húsnæðið eyðilagst og ekki verið byggt upp að nýju. Þá skal hreinsun lóðarinnar fara fram hið fyrsta.

5. 2504676 - Jafnréttisstefna Hafnarfjarðbæjarn 2025

Jafnréttis- og mannréttindastefna lögð fram til samþykktar. Lind Einarsdóttir mannauðsstjóri mætir til fundarins.

Bæjarráð samþykkir fyrirliggjandi jafnréttis- og mannréttindastefnu.

6. 2412949 - Ársreikningur Hafnarfjarðarkaupstaðar 2024 og fyrirtækja hans

Til umræðu. Helga Benediktsdóttir sviðsstjóri mætir til fundarins.

Fulltrúar Samfylkingar þakka fyrir framkomin svör.

Svar við fyrirspurn varðandi ársreikning Hafnarfjarðarbæjar 2024 - Samfylking.pdf

7. 2305763 - Skákdeild Hauka, styrkbeiðni

Lagt fram erindi frá Skákeild Hauka dags. 2.apríl sl.

Bæjarráð vísar erindinu til fræðsluráðs.

Bæjarráð.pdf

8. 2504779 - Græn svæði, ályktun

Lögð fram ályktun aðalfundar Skógfræðingafélags Íslands frá 25.mars sl.

Ályktun aðalfundar Skógfræðingafélags Íslands 2025 (SÍS).pdf

9. 2504698 - Namystów, Pólland, ósk um vinabæjarsamband

Lagt fram bréf frá bæjarstjóra Namislów, Póllandi

List Islandia.pdf

10. 2309164 - Mannauðsmál Hafnarfjarðarbæjar, fyrirspurnir

Til umræðu að ósk fulltrúa Samfylkingar.

Fulltrúar Samfylkingar koma að svohljóðandi bókun:

Ljóst er að Umboðsmaður Alþingis hefur með bréfi sent ítarlegt erindi, spurningalista þar sem óskað er skýringa frá Hafnarfjarðarbæ vegna máls Óskars Steins Jónínusonar Ómarssonar sem hefur kvartað yfir afturköllun á ráðningu í starf deildarstjóra tómstundastöðvar Hraunvallarskóla í júní 2024.Bæjarráðsfulltrúar Samfylkingarinnar óska eftir gögnum málsins og aðkomu að svörum bæjarins við erindi Umboðsmanns enda mikilvægt að kjörnir fulltrúar fái allar nauðsynlegar upplýsingar, þar sem þeir bera ábyrgð á stjórnsýslu bæjarins og hafa eftirlitsskyldu í þeim efnum. Þá má geta þess að þetta starfsmannamál hefur verið í opinberri umræðu og því fjarri lagi að halda gögnum þess og viðbrögðum bæjarins frá kjörnum fulltrúum.

11. 2504830 - Umsagnir til Alþingis - fyrirspurn

Til umræðu að ósk fulltrúa Samfylkingar.

12. 2505012 - Einkaframkvæmdasamningar, fyrirspurn

Fulltrúar Samfylkingarinnar óska upplýsinga um ársgreiðslur bæjarins vegna þessara mannvirkja til eigenda þeirra og hvort hafnar séu viðræður um kaup á þeim eða áframhaldandi leigu að leigutíma loknum.

Til umræðu.

13. 2210417 - Málefni flóttafólks og íbúa af erlendu bergi brotnu

Fulltrúar Samfylkingarinnar óska eftir umræðu um málið.

Fulltrúar Samfylkingar leggja fram svohljóðandi bókun:

Fyrir liggur að athugasemdir hafa verið gerðar við vinnubrögð barnaverndarþjónustu Hafnarfjarðarbæjar við umsýslu og verklag á árunum 2022-2024 vegna umsóknar barns frá Kólumbíu, sem sótti um alþjóðlega vernd í ágúst 2022. Drengnum var síðan útvísað 16 ára gömlum í október 2024 og virðist vera að það hafi gerst án þess að tryggt væri hvað tæki við þegar í Kólumbíu kæmi. Drengurinn lenti á götunni þar í landi, en flúði aftur til Íslands og sótti á ný um vernd. Mál hans er nú til umfjöllunar hjá kærunefnd útlendingamála og eins hjá Barna- og fjölskyldustofu. Þessi mál hafa verið í opinberri umræðu og eru ennþá og ekki sérstak trúnaðarmál.
Erindi hefur borist frá GEV, Gæða og eftirlitsstofnun velferðarmála til Hafnarfjarðarbæjar, þar sem skýringa er óskað á meðferð barnaverndaryfirvalda í Hafnarfirði og bærinn hefur svarað. Bæjarráðsfulltrúar Samfylkingarinnar leggja á það þunga áherslu að vandað sé sérstaklega til verka þegar börn eiga í hlut í þessu samhengi. Borið er við trúnaði þegar óskað er málsgagna, en jafnaðarmenn benda á að mikilvægt er að kjörnir fulltrúar hafi til þess tök að veita stjórnsýslu bæjarins nauðsynlegt aðhald í þessum málum sem öðrum.

Fulltrúar Sjálfstæðisflokks og Framsóknar leggja fram svohljóðandi bókun:

Fulltrúar meirihlutans í bæjarráði leggja áherslu á að bæjarfulltrúar fjalla ekki um málefni einstaklinga sem eru í vinnslu hjá barnaverndaryfirvöldum eða öðrum innan stjórnsýslunnar. Fjallað er sérstaklega um það í lögum um barnavernd að kjörnum fulltrúum sé óheimilt að hafa afskipti af málum sem þar eru til umfjöllunar.

14. 2504369 - Melabraut 21, endurnýjun lóðarleigusamnnings