Samþykkt að breyta vefnum þannig að hann þjónusti einnig eldri borgara.

Samþykkt.

Bókun fulltrúa Samfylkingarinnar:

Á fundum Fræðsluráðs annars vegar og Fjölskylduráðs hins vegar þann 29. maí síðastliðinn var lagt fram minnisblað og tillögur frá Fanneyju Dórótheu Halldórsdóttur, sviðsstjóra Mennta- og lýðheilsusviðs og Guðlaugu Ósk Gísladóttur, sviðsstjóra Fjölskyldu- og barnamálasviðs, um breytingar á fyrirkomulagi þjónustu bæjarins við ungmenni. Meirihluti sjálfstæðismanna og framsóknar í ráðunum tveimur samþykkti tillögurnar og var m.a. rokið í það að segja upp fjórum starfsmönnum Hamarsins. Af hverju þessi flýtir og af hverju ekkert samráð? Margt ágætt að finna í tillögum sviðsstjóranna en vinnubrögðin ófagleg. Minnihlutanum í áðurnefndum ráðum ekki gefinn kostur á að taka þátt í vinnslu málsins eða fá kynningu á framvindu þess. Málið aldrei tekið fyrir í Íþrótta- og tómstundanefnd, einungis niðurstaðan kynnt á fundi nefndarinnar í dag. Þá má nefna að málið hefur ekki verið á dagskrá í bæjarstjórn. Þessi vinnubrögð bæjarstjórnarmeirihlutans eru vægast sagt einkennileg og í raun ekki boðleg. Því er hér skorað á Fræðsluráð og Fjölskylduráð að afturkalla samþykktir sínar fá 29. maí og setja málið á byrjunarreit. Skipaður verði starfshópur þar sem fulltrúar meirihluta og minnihluta fái sæti svo og fulltrúar hagaðila.

Sigurður P. Sigmundsson


Fulltrúar Sjálfstæðis- og Framsóknarflokksins í Íþrótta og tómstundanefnd taka undir bókun meirihluta í fræðsluráði, þar sem kom meðal annars fram:

Í breytingunum er lögð áhersla á að efla og útvíkka frístundastarf fyrir ungmenni í bæjarfélaginu til mikilla muna. Að brjóta niður múra og efla inngildingu ólíkra hópa. Bjóða fatlaða sem ófatlaða velkomna í það frístundastarf sem er í boði hjá bænum. Að öll starfsemin falli undir sama svið. Þá er lagt til að skipulagt ungmennastarf verði á tveimur stöðum í bænum til að koma til móts við íbúa í sístækkandi bæjarfélagi, annars vegar á Selhellu 7 og í Nýsköpunar- og tæknisetrinu í Menntasetrinu við Lækinn hins vegar. Meirihluti fræðsluráðs fagnar því að þjónusta við ungt fólk verður stórbætt í bæjarfélaginu í takt við þróun í samfélaginu ungu fólki til heilla líkt og kallað hefur verið eftir meðal annars af hálfu ungmennaráðs.

Einnig vísa fulltrúar Sjálfstæðis- og Framsóknarflokksins í frétt sem birtist á vef bæjarins um málið og þar kemur meðal annars fram að ákall hafi verið í breytingu á þjónustu við ungt fólk og mun þessi breyting svara því kalli og er markmiðið með þessum breytingum að ýta undir og búa til fjölbreytt og skapandi frístundastarf fyrir ungt fólk í Hafnarfirði með áherslu á fræðslu, þroska og farsæld.

Kristjana Ósk Jónsdóttir og Erling Örn Árnason

Íþrótta- og tómstundanefnd samþykkir þátttöku í verkefninu.